शेती पशुपालन विभाग

 माती परीक्षण

 इयत्ता दहावीच्या विद्यार्थ्यांनी माती परीक्षण केले. पिकास लागणाऱ्या कोणत्या अन्नद्रव्याचे प्रमाण किती आहे व किती प्रमाणात कमतरता आहे हे पाहण्यासाठी म्हणजे सुपीकता पाहण्यासाठी माती परीक्षण केले जाते

 मातीचा सामू, विद्राव्य क्षार, सेंद्रिय कर्ब ,उपलब्ध नत्र ,स्फुरद व पालाश हे काढण्यासाठी माती परीक्षण केले जाते यावरून जमिनीत कोणत्या अन्नद्रव्याची कमतरता आहे व जमीन पीक वाढीसाठी चांगली आहे की नाही हे समजते.जमिनीतून किती प्रमाणात अन्नद्रव्य मिळतात व खतातून किती प्रमाणात अन्नद्रव्ये द्यावयास पाहिजे ही माहिती माती परीक्षणावरून कळते.

 इयत्ता दहावीच्या विद्यार्थ्यांनी माती परीक्षण करून वनस्पतीतील वेगवेगळ्या अन्नद्रव्यांचा अभ्यास केला

 1) वनस्पतीचे मुख्य अन्नद्रव्य - कार्बन, हायड्रोजन, ऑक्सिजन, नत्र, स्फुरद, पालाश या सहा अन्नद्रव्यांचा समावेश होतो .    

 2) वनस्पतीची दुय्यम अन्नद्रव्ये - कॅल्शियम ,मॅग्नेशियम, गंधक या तीन अन्नद्रव्यांचा. 

  3) वनस्पतीची सूक्ष्म अन्नद्रव्य - जस्त,तांबे, मॅग्नीज, लोह, मॉलिब्डेनम, बोरॉन, क्लोरीन, निकेल या आठ अन्नद्रव्यांचा समावेश होतो