शेती व पशुपालन विभाग

             बीज प्रक्रिया

ज्ञानदा विद्या मंदिर नारायणगाव आठवी व नववीच्या विद्यार्थ्यांनी मेथी बियाण्यास बीज प्रक्रिया केली. *बीज प्रक्रिया म्हणजे* बियाणे जमिनीत पेरण्यापूर्वी जमिनीतून किंवा बियाण्यातून पसरणारे विविध रोग व किडींचा प्रादुर्भाव टाळण्यासाठी तसेच बियांची उगवण क्षमता वाढविण्यासाठी आणि जोमदार रुपये येण्यासाठी बियाण्यांवर वेळोवेळी जैविक व रासायनिक कीटकनाशकांची व संवर्धकांची प्रक्रिया केली जाते याला बीज प्रक्रिया म्हणतात. *बीज प्रक्रियेचे फायदे -* 1)बीज प्रक्रियेमुळे जमिनीतून व बियांपासून पसरणाऱ्या रोगांचा प्रादुर्भाव टाळता येतो. 2)उगवण क्षमता वाढवता येते.3) रोपांची वाढ जोमाने होते .4)पिकाच्या उत्पादनात वाढ होते .5)रोपे मरण्याचे प्रमाण कमी होते. 6)रोगप्रतिकारशक्ती वाढते.

बीज प्रक्रिया करण्याच्या पद्धती-1) बी गरम पाण्यात भिजत ठेवणे (बोरीचे बी).2) बी थंड पाण्यात भिजत ठेवणे (ज्वारीचे बी) .3) कोरड्या बियांना औषध व जिवाणू संवर्धक चोळणे.4) रोपाची मुळे द्रावणात बुडवून ठेवणे .5)बी  कठीण पृष्ठभागावर घासणे (कोथिंबीर बी)

बीज प्रक्रिया करण्यासाठी बुरशीनाशकांची नावे -थायरम, गंधक, मेटॅलेक्सल, कार्बेन्डेझीम, कॅप्टन. जिवाणू संवर्धन ची नावे अझोस्पिरिलियम ,अझोटोबॅक्‍टर, रायझोबियम ,स्फुरद विरघळविणारे जिवाणू

विद्यार्थ्यांनी हातात हात मोजे घालून अर्धा किलो मेथीचे बियाणे एका घमेल्यात घेतले त्यावर दोन ग्रॅम गुळाचे पाणी शिंपडले व त्यावर मेटलक्सल पावडर चोळले व बियाणे पेपर वर सावलीत सुकण्यासाठी ठेवून दिले. (गुळाच्या चिकटपणामुळे पावडर बियाण्याला चिकटून बसण्यास मदत होते)

शेती व पशुपालन विभाग

                       सेंद्रिय कीटकनाशक

               (दशपर्णी अर्क तयार करणे)

ज्ञानदा विद्या मंदिर नारायणगाव नववीच्या विद्यार्थ्यांनी सेंद्रिय कीटकनाशक( दशपर्णी अर्क) तयार केला. त्यासाठी त्यांनी वीस लिटरच्या प्लास्टिक बॅरल मध्ये दहा लिटर पाणी घेऊन त्यामध्ये अडीचशे ग्रॅम कडुलिंब पाला, 100 ग्राम निरगुडी पाला, 100 ग्रॅम घाणेरीपाला, 100 ग्राम गुळवेल पाला, 100 ग्रॅम एरंडपाला, 100 ग्रॅम सीताफळ पाला ,100 ग्रॅम पपई पाला, 100 ग्रॅम रुई पाला ,100 ग्रॅम करंज पाला, 100 ग्रॅम कनेर पाला, घातला तसेच 100 ग्रॅम गाईचे ताजे शेन , 250 ग्रॅम गोमूत्र, प्लास्टिक बॅरल मध्ये टाकले व सर्व साहित्य बांबूच्या काठीने दररोज दोन ते तीन वेळा डावी कडून उजवीकडे ढवळले 30 दिवसानंतर विद्यार्थ्यांनी द्रावण गाळून घेतले.

पिकावर येणाऱ्या वेगवेगळ्या रोग व किड नियंत्रणासाठी दशपर्णी अर्क हा रामबाण उपाय आहे.

पिकावर येणाऱ्या रोग व किड नियंत्रणासाठी दशपर्णी अर्क तयार करणे रासायनिक घटकांचा वापर न करता सेंद्रिय पद्धतीने हे कीटकनाशक तयार केले जाते.

दशपर्णी अर्क वापरण्याची मात्रा- 2.5  लिटर द्रावण 200 लिटर पाण्यात मिसळून प्रति एकर क्षेत्रावर फवारावे.

शेती पशुपालन विभाग

                गांडूळ खत निर्मिती

ज्ञानदा विद्या मंदिर नारायणगावच्या विद्यार्थ्यांनी 12 फूट लांब, चार फूट रुंद व तीन फूट उंचीच्या बेडमध्ये शाळेच्या परिसरातील पालापाचोळा जमा करून बेड मध्ये टाकला. एक थर पाला पाचोळ्याचा, एक थर शेणखताचा ,एक थर पालापाचोळा, एक थर शेणखत असे एक आड एक थर लावून गांडूळ खताचा बेड भरून घेतला व त्यामध्ये इसिनिया फेटिडा जातीचे गांडोळे सोडली .विद्यार्थ्यांनी बेडला दररोज पाणी सोडले. तो बेड पंधरा दिवसांनी विद्यार्थ्यांनी हलवून घेतला .खालचा थर वरती व वरचा थर खाली असं करून बेड मधील पालापाचोळा कुजण्यासाठी व्यवस्थित मिक्स करून घेतला.

गृह आरोग्य विभाग

                         शेंगदाणे चिक्की

ज्ञानदा विद्या मंदिर नारायणगाव, शाळेतील इयत्ता नववीचे विद्यार्थ्यांनी शेंगदाणे चिक्की बनवली. 

      साहित्य-  शेंगदाणे चिक्की साठी लागणारे साहित्य गुळ तूप व शेंगदाणे

कृती:- 1) शेंगदाणे भाजून घेणे.

              2) भाजलेले शेंगदाणे मिक्सरमध्ये बारीक करून

                    घेणे.

             3) गॅस वर कढईमध्ये गुळाचा पाक करायला ठेवणे

              4) गुळाचा पाक तयार झाल्यावर त्यात     

                  शेंगदाण्याचा कूट टाकून कमी आचेवर एकजीव 

                करून घेणे.

             5) एकजीव झालेलं मिश्रण पोलपटावर काढून 

                   घेणे व ते चपाती सारखे लाटणे व चौकोन 

                   आकारात कट करणे थोडी थंड झाल्यावर 

                  त्याची पॅकिंग करणे.

पद्धत:- पाक पद्धतीने अन्नपदार्थ बनवणे.

काय शिकले:- पाक पद्धत शिकले, चिक्की हा टिकणारा पदार्थ आहे, शेंगदाणे गुळ हे पौष्टिक पदार्थ आहे, चिक्की ची कॉस्टिंग कशी काढावी, तिचे पॅकिंग करून शाळेत विद्यार्थ्यांनी विक्री केली.

     

शेती व पशुपालन विभाग

                          माती परीक्षण

ज्ञानदा विद्या मंदिर नारायणगाव, शाळेतील दहावीच्या विद्यार्थ्यांनी माती परीक्षण केले .पिकास लागणाऱ्या कोणत्या अन्नद्रव्याचे प्रमाण किती आहे व किती प्रमाणात कमतरता आहे हे पाहण्यासाठी म्हणजेच जमिनीची सुपीकता पाहण्यासाठी माती परीक्षण करणे आवश्यक असते .मातीच्या नमुन्याचे प्रयोगशाळेत सामू, सेंद्रिय कर्ब, उपलब्ध नत्र ,स्फुरद व पालाश यांचे परीक्षण केले जाते व जमिनीत कोणत्या अन्नद्रव्याची कमतरता आहे ती जमीन पीक वाढीसाठी चांगली आहे की नाही हे माती परीक्षणातून कळते हे विद्यार्थ्यांनी अभ्यासले माती परीक्षणासाठी मातीचा नमुना कसा घ्यावा. माती परीक्षण करताना कोणती काळजी घ्यावी. माती परीक्षणासाठीचा मातीचा नमुना कसा तयार करावा हे विद्यार्थी शिकले व विद्यार्थ्यांनी माती परीक्षण कीट  वापरून मातीचा सामू, सेंद्रिय कर्ब ,उपलब्ध नत्र, स्फुरद व पालाश यांचे प्रमाण काढले.

शेती पशुपालन विभाग

                     रोपवाटिका तंत्रज्ञान

ज्ञानदा विद्यामंदिर नारायणगाव, मधील विद्यार्थ्यांनी रोपवाटिका म्हणजे काय हे विद्यार्थी शिकले. ज्या ठिकाणी झाडाझुडपाची, पिकांची कलमे यांची निगा राखली जाते याला मराठीत रोपवाटिका असे म्हणतात. रोपवाटिकेतून जातिवंत रोपांची कलमांची बियाण्यांची निर्मिती संगोपन व संवर्धन केले जाते. रोपवाटिकेचे प्रकार, रोपे तयार करण्याच्या पद्धती याचा विद्यार्थ्यांनी अभ्यास केला. तसेच अभिवृद्धी म्हणजे काय तर वनस्पतीची रोपे तयार करण्यासाठी मातृ वृक्षाचा भाग वापरून केलेल्या नव्या रोपाच्या निर्मितीस वनस्पतीची अभिवृद्धी असे म्हणतात. अभिवृद्धीचे दोन प्रकार पडतात 1)बियांपासून म्हणजेच अशाकीय अभिवृद्धी व 2) शाखीय अभिवृद्धी यामध्ये झाडाच्या अवयवाचा भाग वापरला जातो यामध्ये विद्यार्थी  कलमाचे वेगवेगळे प्रकार शिकले झाडाच्या पेन्सिल साइज फांदीचे ठराविक आकाराचे तुकडे करून त्यापासून फाटे कलम करतात विद्यार्थ्यांनी बोगनवेल, जास्वंद, अकेलीफा, गोल्डन डुरांटा या  झाडांचे फाटे वापरून पॉलिथिन बॅग मध्ये गांडूळ खत कोकोपीट व माती मिक्स करून पॉलिथिन बॅग भरल्या व त्यामध्ये हे झाडांचे फाटे लावून रोपे तयार करण्यास ठेवले

 ज्ञानदा विद्या मंदिर येथे समर कॅम्पचे आयोजन केले तेथे मुलांना कुलर त्याचप्रमाणे हायड्रोलिक क्रेन तयार करायला शिकवली तेथे क्राफ्ट किचन ऍक्टिव्हिटी शेती पशुपालन ची माहिती त्याचप्रमाणे अभियांत्रिकी विभागात वेगवेगळ्या ऍक्टिव्हिटी शिकवल्या

मुलांनी पुठ्ठ्यापासून उंदीर पकडण्याचा सापळा तयार केला

समर कॅम्प

 

              थोर समाज सुधारक राजर्षी शाहू महाराज  पुण्यतिथी 

ज्ञानदा विद्यामंदिर नारायणगाव , येथे सहा मे रोजी थोर समाज सुधारक राजर्षी शाहू महाराज यांची100  वी पुण्यतिथी साजरी करण्यात आली व त्यानंतर विद्यार्थ्यांना शैक्षणिक वर्ष 2022 -2023 चा निकाल देण्यात आला.

                                             समर कॅम्प

ज्ञानदा विद्या मंदिर येथे 8  मे 2023  ते 13 मे 2023 दरम्यान सकाळी आठ ते दहा या वेळात समर कॅम्प आयोजित केला होता. त्यामध्ये विद्यार्थ्यांना वेगवेगळ्या ऍक्टिव्हिटी शिकवण्यात आल्या त्यामध्ये 1) पहिल्या दिवशी अग्निशामक नळकांडे वापरून आग कशी विजवली जाते. तसेच जुन्या बांगड्यांना रेशीमचा रंगीत धागा वापरून बांगडी नवी कशी बनवली जाते हे शिकवले.2) दुसऱ्या दिवशी विद्यार्थ्यांना पिझ्झा बनवायला शिकवले .3)तिसऱ्या दिवशी विद्यार्थ्यांनी पुठ्ठा , सेल, फॅन यांचा वापर करून कुलर बनवायला शिकवले . 4) चौथ्या दिवशी उंदीर पकडण्याचा सापळा बनवायला शिकवले. 5) पाचव्या दिवशी फोटो पासून रिल्स बनवायला शिकवले तसेच त्याला गाणी टाकणे इफेक्ट देणे व्हिडिओला गाणे बदलने हे शिकवले .6) सहाव्या दिवशी विद्यार्थ्यांना  इंजेक्शन चा वापर करून हायड्रोलिक क्रेन बनवायला शिकवले व  विद्यार्थ्यांचा फीडबॅक घेऊन समर कॅम्प ची सांगता केली.

 ज्ञानदा विद्या मंदिर येथे समर कॅम्पचे आयोजन केले तेथे मुलांना कुलर त्याचप्रमाणे हायड्रोलिक क्रेन तयार करायला शिकवली तेथे क्राफ्ट किचन ऍक्टिव्हिटी शेती पशुपालन ची माहिती त्याचप्रमाणे अभियांत्रिकी विभागात वेगवेगळ्या ऍक्टिव्हिटी शिकवल्या

 ऊर्जापर्यावरण विभागातील प्रात्यक्षिकाचे स्विच बोर्ड नवीन बसवले त्याचप्रमाणे पट्टी फिटिंग करून वायरिंग केली

शेती पशुपालन विभाग

                                                       वार्षिक परीक्षा 2022 -2023

ज्ञानदा विद्या मंदिर येथे एप्रिल महिन्यात विद्यार्थ्यांची द्वितीय सत्र परीक्षा 2023 पार पाडली.

                                                समर कॅम्प नियोजन

मे महिन्यात घेण्यात येणाऱ्या विद्यार्थ्यांच्या समर कॅम्प संदर्भात श्री महेंद्र भोर सर ,ज्ञानदा विद्या मंदिर च्या मुख्याध्यापिका सौ.येवले मॅडम यांनी मार्गदर्शन केले.

गांडूळ खत चाळण्यासाठी चाळा तयार केला.                               

 चाळा तयार करण्यासाठी साहित्य  टेन लेस जाळी, बॅटम पट्ट्या, स्क्रू, चुका, इत्यादी साहित्य वापरून चाळा तयार केला .  * 1500 रुपये आला आहे. व तो चाळा शेती विभागातील गांडूळ खत चालण्यासाठी दिला.

 फ्युजची माहिती घेणे तो सर्किटमध्ये जोडणी एमसीबी ची माहिती घेणे त्याची जोडणी करणे त्याचे रेटिंग नुसार एंपियर काढणे अर्थिंग ची माहिती घेणे अर्थिंग करणे